Sei in: » Home in limba » Sa bidda » Is Festas »

Est s'amparadori de sa bidda e benit afestau su bintinoi de làmparas.

Sa festa est fatta dogna annu de sa classi de is corantennis. 

Cun tottu ca s'amparadori de Sabarussa est Santu Pedru, sa festa prus bella de sa bidda chi benit fatta su martis chi sighidi sa segunda dominiga de santuaine est cussa de Santu Gregoriu Magnu: fiat nasciu  a Roma facci a su   535 - 540. Apusti de sa nomina a Prefettu de Roma (570 - 573) iat lassau tottu po s'arrettirai a sa vida de cresia. De su 579 a su 586 fiat a Costantinopoli comenti missu de su Paba. Torrau a Roma fiat stetiu eliggiu abati de su monastèriu de S.Andria asuba de su Celiu. In su 590 fiat stetiu nomonau Paba apusti de Pelagiu II, cun su nomini de Gregoriu Magnu, in tempus meda traballosus po sa cresia fintzas a su 604 annu de sa morti sua.

Est costumu de sa bidda de su 1990, chi sa festa bengiat fatta dogna annu de sa classi de is cincuantennis.

Sa festa arregodada s'mportantzia de sa bidda in sa produtzioni de sa crannaccia chi benit nomonada fintzas de Grazia Deledda in "CHIAROSCURO" - contu numuru seti "Il natale del consigliere".

Sa festa benit fatta de sa Pro Loco de Sabarussa e si tenit in su mesi de Ladamini o de Dognasantu.

 

 

Is gògius (o còggius o gosos) funti cantus devotzionalis impreaus in is funtzionis religiosas e dedicaus a is Santus o a Nostra Sennora. Su fueddu Gosos e totu is variantis chi agattaus in totu sa parti setentrionali de sa Sardigna ndi benint de su Castillanu gozos mentris in sa parti meridionali, agattaus fueddus comenti gogius, gocius, cogius e custus ndi benint de su catalanu goigs. Totu e duus tenint arraxina de su latinu gaudium  chi oit nai cuntenteza. Funti cantus monòdicus, chi est a nai totu a una tonalidadi, e sa tonalidadi est fata a posta po agiudai sa genti a mantenni in sa memoria s'esecutioni de sa torrada.

Is componimentus chi sighint funti cussus impreaus a Sabarussa po is novenas de Santu Gregoriu Magnu, po Santu Pedru e po Nostra Sennora de is Gratzias e sighinti totu is cosas chi eus giai nau:

1) po Santu Gregoriu Magnu, festau su martis a pustis de sa segunda dominiga de su mesi de ladàminis sighint duus coggius (o gosos), innui ddu est contada sa vida de su Santu e sa domanda de gratzias po sa comunidadi de Sabarussa;

2) unu de Santu Pedru, chi benit festau su 29 de su mesi de làmparas de dogna annu;

3) unu po nostra Sennora de sas Gratzias, chi benit festada dogna annu in su mesi de Maju.