Cresia de is Animas

S'orìgini de su nomini "Cresia de is Animas" si depit a su fattu ca accanta de is murus suus ddui funti is arrastus de un campusantu antigu. Si pentzada ca in antighidadi fessit impreada comenti apposentu mortuariu, a pusti est stetia cambiada e impreada comenti cresia candu su campusantu est stetiu postu fora  de sa bidda.

Impari a sa cresia, in sa pratza a facci e a su trettu  de su campusantu antigu, tottus impari faint un complessu religiosu meda interessanti  po sa bidda de Sabarussa.

Fatta in su 1749, comenti est scrittu in sa làpide posta asuba de su potabi, su fàbricu est ancora oi comenti fiat in origini. De accìnnus storicus agattaus in is Cuadernus Storicus e Turisticus de sa sardigna Felice Cherchi Paba" , pàridi ca is pedras impreadas po da fai fiant cussas de sa cresia sciusciada de sa bidda antiga de "Villalonga".

Est fatta in pedra niedda de basaltu e sa forma est cussa basilicali a tres navadas, e is cornicionis in tottu su giru de is murus e de is pilastrus, funti, impari a s'altari tottu rivestiu de marmus de meda coloris, a sa trona de linna e sa cornici manna po intrai in sa  segrestia, is unicas cosas chi alligranta aintru de sa cresia.