Cresia de Santu Gregoriu
Sa cresia de Santu Gregoriu, est posta asuba de un cuccuru foras de sa bidda. Tenit una forma meda sìmpli a rettàngulu. Su fàbbricu est de su perìodu romanicu, fiat stètiu fattu in su XIII sèculu cun pedra de trachite e basaltu. Tenit una navada sceti cun s'absidi, una cosa bella de appubai est sa lunetta meda eleganti. No nc'at atru fàbbricu de custu perìodu e stili in tottu sa diocesi arborensi.
Sa forma e sa struttura meda sìmpli fait pentzai ca ddu est stetia una influentzia de su stili cistercensi, chi teniat su rigori de sa forma comenti arrègula; in prus no si podit esclùdiri chi in sa cresiedda narant Missa is Camaldolesus de Bonacatu, giai ca in su registru de s'Ordini (Condaghe de Santa Maria) benint nomonada fattu fattu una "Domu de Sabarussa". Sa cresia fiat stetia fatta asuba de un fàbbricu prus antigu, e custu fattu est cunfirmau de sa scrobetta aintru de s'absidi de una lastra impreada po coberri un passaritzu chi portada a una tumba asutta de terra.
Sa cresia, comenti si podit biri oi puru est ingiriada de una muraglia amparadora, cosa chi di fadiat meda bortas in is cresias de custu periodu, e ananti de s'enna de cresia c'est su pottai po intrai, a sinistra ddui est una scabixedda ci portada in d'un palchixeddu asutta de su campanibi a vela de su pottai e tottu.