Su Sportellu de sa limba sarda de su Comuni de Sabarussa nascidi gràtzias a s’appricu de sa ley n. 482 de su 15 de Nadai de su 1999 chi amparada is minorias linguisticas de s’Istadu e duncas sa Limba Sarda massimamenti in atùatzioni de s’art. 9 de custa ley chi ndi permittidi s’impreu a boxi e scrittu fintzas in is ufitzius pùbblicus.
S’iscopu principali de su sportellu limbisticu est de giai sa possibilidadi a dognunu chi bividi in sa bidda de podi chistionai in sa limba sarda aintru de is ufìtzius pùblicus e de promovi, spaniai e giai valori a sa limba, assegurendi su massimu de sa visibilidadi.
Srebìtzius de su Sportellu de sa Limba Sarda:
- furriadura in sardu de is àutus pùblicus e de is afìssus chi andant a sa genti;pònidi a dispositzioni tottus i papèris furriaus in sardu e italianu;
- isperimentada fueddus chi srebint in sa limba amministrativa e duncas approntada un fueddariu in sa varianti de su logu;
- promovidi progètus aìntru e foras de s’aministratzioni po sensibilizai sa genti a su chi narat sa ley, po amparai, giai valori a sa limba e a sa cultura de sa minoria cicchendi de aciungi a pari sa limba italiana e sa sarda.
- approntada paperis in limba sarda po fai connosci a tottus is opportunidadis che sa ley 482/99 giaidi insoru;
- furriada in limba sarda tottus i leis de sa Regioni sardigna, de s’Istadu e de sa Comunidadi Europea in chistioni de minorias linguisticas, e ainci faidi po tottus is istantzias e is propostas de ley chi funti stetia fattas in trint’annus de triballu po amparai sa limba sarda. Custas furriaduras funti aprontadas po sa genti e pointi essi arretìradas in su sportellu;
- arregollidi domandas e bideas de dogna ènti, impresa, assotziu chi triballada in sa bidda e chi tenit intentzioni de giai valori e visibilidadi a sa limba sarda;
- afisciada scrittas e insegnas in limba sarda in totus is ofìtzius de sa bidda;
- promovidi sa limba sarda cun ainas informaticas comenti s’aprontadura de custu situ web.
Sa responsabili de su Sportellu est disponibili po sa genti segundu is orarius scrittus in giossu, in prusu est aggradessiu materiali chi at a srebit po essi publicau còmenti poesias, contus, diccius, su connottu de sa bidda e dògna cosa chi podit essi ùtili.
RESPONSABILI de su Sportellu Limbisticu
Dott.ssa Giuseppina Atzori
su Lunis, su Mèrcuis e sa Canàbara de is 8.00 a mesudì